Nipa̱kij nonochimej, achto iga toTeko Jesucristo, yej kichij iga wel nigaj manonoka̱n ḵan mochi̱wa iní̱n página Web, wa̱n miáꞌ tokni̱wa̱n yej kitokaj no̱ toTe̱ko. Ijkó̱san no̱ nipa̱kij poxsan iga UNTI, yej kipoxye̱ꞌitaꞌ iga nejemej no̱ mane̱makaka̱n yej wel kichi̱wa iga mopopo̱kaltiá tomelaꞌtájto̱l pan ejekaꞌ. Kichijkej iga maasi inó̱n yej san nikejla̱mikiáj nochipa, eꞌ ayi̱ꞌ welitia̱ya iga anikmatiáj ken mochi̱wa iní̱n ka̱n wel mopopo̱kaltiá tomelaꞌtájto̱l pan ejekaꞌ. Iná̱n ne̱makakejya yej iga wel nikchi̱waskej iga manikmati̱lti̱ka̱n te icha̱mej tokni̱wa̱niwán manasika̱n te pan iya̱lma toa̱ltepe̱ꞌ, wa̱n no̱yan ka̱n melaꞌtajtowaj, ijkó̱nsan no̱ yej wejkacha̱nejmej yej nigaj asisjkej pan iní̱n página web.
Poxsan nipakij iga inochimej yej ne̱palewijkej, iwá̱n ne-ijyo̱wijkej mie̱j nonoyaj ka̱n mochij iní̱n tekipáno̱l. Poxsan nipa̱kij iga yejemej…
Xikmati iní̱n:
Poxsan niknekij xine̱pale̱wi̱ka̱n iga wel má̱j maye̱ꞌnesi iní̱n página web, iga wel mamopopo̱kalti nochhi yej ijkuilijtoꞌ pan tomelaꞌtájto̱l, o takui̱ꞌ, yej mo-ita o yej mokaki, siga tikye̱ꞌita wel nigaj tikta̱liáj iga nochi makitaka̱n yej nigaj kalakis.
Welij anne-ijkuilowiliáj pan correo yej ne̱si pan iní̱n página.
¡Nimitzmati̱ltiáj! Iga inín página web, aya̱ꞌ mochij iga tejte̱ yej nigaj onoꞌ mamonamaka, niga yej niga wel agaj kita̱lij wel tejte̱ꞌ mochiwili̱j yej aye̱kti̱
Poxsan xiye̱ꞌonoka̱n…
